Um umhverfismennt - Naustatjörn

Umhverfismennt:

Tenglar á forsíðu:

Gestabókin okkar

Umhverfismennt á Naustatjörn::

Strax við upphaf skólans í ágúst 2003 var mörkuð sú stefna að umhverfismennt skipaði stóran sess í skólanámskrá skólans. Í upphafi buðu tveir kennarar sig fram í umhverfisnefnd vegna áhuga á því umhverfisvæna starfi sem stefnt var að við skólann. Það voru Inda Björk Gunnarsdóttir og Linda Egilsdóttir og þær sáu um að undirbúa og kynna sér grænfánaverkefnið auk þess að koma á framfæri upplýsingum til annarra kennara.

Árið 2005 var sótt um að Naustatjörn yrði skóli á grænni grein og fór skólinn formlega á grænu greinina í september 2005.

Markmið Naustatjarnar með umhverfismennt eru:

- að njóta náttúrunnar árið um kring og nýta hana sem leiksvæði og efnivið til uppgötvunar, leikja og skapandi starfs.

- að flokka úrgang og pappír til endurvinnslu í stað þess að kaupa nýjan efnivið.
- að safna lífrænum úrgangi í þar til gerðar safntunnur
- að nota umhverfisvænar hreinsivörur við ræstingu skólans
- að rækta grænmeti og plöntur í garðinum
- að spara raforku og vatn eins og hægt er

Umhverfissáttmáli Naustatjarnar

Við þekkjum nánasta umhverfi okkar og göngum um náttúruna af virðingu

Við endurnýtum það sem hægt er

Við flokkum þann úrgang sem fer í endurvinnslu

Við spörum orku

Leiðir að Umhverfissáttmála Naustatjarnar eru m.a.

Að efla umhverfisvitund nemenda með fræðslu, góðu fordæmi og verkefnum

Að nýta efni sem fellur m.a. til sköpunar, rannsókna og tilrauna

Að flokka lífrænan úrgang til moltugerðar. Pappír, pappi, fernur, gler, málmar, plastumbúðir, kerti og rafhlöður er flokkað og sett í endurvinnslu

Að gæta þess að slökkt sé á rafmagnstækjum þegar þau eru ekki í notkun. Að slökkva á ljósum á svæðum þar sem enginn er og vatn ekki látið renna að óþörfu.

Umhverfisnefnd Naustatjarnar skipa: