Gestabókin okkar
 
 

Veðurspá

Agastefna Naustatjarnar.  

Naustatjörn vinnur samkvæmt agastefnunni Jákvæður agi (Positive discipline). Innleiðing hófst haustið 2010. Jákvæður agi er uppeldisstefna byggð á sjálfsstjórnarkenningum og þess vegna  náskyld Uppbyggingarstefnunni.

         Jákvæður agi - leikskólabörn

• Jákvæður agi er að kenna félagsfærni og lífsleikni. Agi sem snýr að ungum börnum snýst um hvað þú vilt gera, þú fylgir þeim ákvörðunum með góðvild og festu, í stað þess að búast við að barnið hegði sér vel. Þegar barnið þroskast og eflir getu sínu verður það þátttakandi í því ferli að finna lausnir og setja mörk.
• Meginreglur jákvæðs aga hjálpa að byggja samband væntumþykju og virðingar og auðvelda að finna lausnir til frambúðar.
•  Jákvæður agi byggir á kennslu, skilningi, hvatningu og samskiptum en ekki refsingum.
  
  Vörður jákvæðs aga - leikskólabörn

•  Gagnkvæm virðing. Fullorðnir sem virða sjálfa sig og þær aðstæður sem eru uppi sýna góðsemd og festu. Á þennan átt virða þeir þarfir barnsins.
• Skilningur á orsökum hegðunar. Um leið og skilningur  fyrir ákveðinni hegðun er fyrir hendi er mun auðveldara að breyta eða stöðva þá hegðun. Að bregðast við ástæðum hegðunar getur jafnvel verið mikilvægara en að bregðast við hegðuninni sjálfri
• Virk samskipti. Að nota opnar spurningar, hvað hvernig, hvers vegna. Að nota virka hlustun, að heyra hvað sagt er. Að gefa börnum tækifæri til að taka þátt í samskiptum í stað þess að segja þeim hvað þau eiga að segja og gera.
• Þekking og skilningur á heimi barnsins. Þegar skilningur á  heimi barnsins er fyrir hendi  er hægt að velja rétt viðbrögð við hegðun þess. Að vita hvar barnið er statt á þroskabraut sinni, að þekkja skapferli þess, félagslegan og tilfinningalegan þroska.
• Agi sem kennir. Agi sem  kennir viðurkennda félagslega færni og lífsleikni án þess að refsa.
• Áhersla á lausnir en ekki refsingar. Ásakanir leysa ekki vandamál. Velja þarf leiðir að lausnum. Með auknum þroska barnsins eykst samvinna í að finna jákvæðar lausnir á þeim aðstæðum sem eru uppi. Leiðir að lausnum virka betur þegar börnin eru þátttakendur í ákvörðunum.
• Hvatning. Hvatning styrkir tilraunir og umbætur en ekki eingöngu góðan árangur. Hvatning hjálpar börnum að verða örugg með eigin hæfileika og getu.
• Börnum gengur betur þegar þeim líður vel. Börnum sem líður vel eru mun tilbúnari til samstarfs, til að læra nýja hluti og gefa hlýju og virðingu þegar þau finna hvatningu og væntumþykju. Börnum sem líður illa, finnst þau niðurlægð eða skammast sín gengur ekki vel að tileinka sér nýtt viðhorf eða hegðun

          Hvað er það sem börn þarfnast í raun og veru.
        Mikill munur er á milli löngunar og þarfa og strax frá fæðingu hefur hvert barn fjórar grunnþarfir.

• Að tilheyra/skipta máli og vera einhvers virði. Mikilvægt er fyrir barnið að vita að það   sé viðurkennt fyrir það hvert það er í stað þess að einblínt sé á hvað það getur eða hvernig það hegðar sér
• Skilningur á eigin getu eða hæfileikum. Börn átta sig á eigin getu og hæfileikum þegar þau fá tækifæri til að spreyta sig sjálf og æfa ákveðna færni eða geta.  Þ.e. þegar þau upplifa hvað þau ráða við ein við eykur það skilning þeirra á eigin getu og hæfileikum.
• Persónulegt vald og sjálfræði. Þegar börn fá tækifæri til að leita lausna, læra lífsleikni, sýna virðingu og vinna með öðrum upplifa þau persónulegt vald og sjálfræði.
• Félagsfærni og lífsleikni. Börn þurfa kennslu í samskiptum og félagsfærni auk kennslu í lífsleikni, s.s. að klæða sig, að borða o.s.frv. Með kennslu og æfingu öðlast þau færni.

      Vandamál leysast á mun auðveldari hátt þegar börnin taka þátt í að finna lausnir.

 Grunnhugtök í jákvæðum aga

• Virðing - Virðing endurspeglast í þeirri kurteisi sem þú sýnir öðru fólki, hvernig þú talar við aðra, hvernig þú talar um það og hvernig þú ferð með eigur annarra. Tal og framkoma sem einkennist af virðingu veitir fólki þá reisn sem því ber.
• Góðvild - Góðvild er að skamma ekki, niðurlægja ekki eða lesa yfir börnunum. Góðvild er að sýna væntumþykju og hlýju í verki.
• Festa - Festa er að meina það sem þú segir og sjá til þess að fyrirfram ákveðnum verkefnum sé lokið Á þann hátt læra börnin að þú meinar það sem þú segir (um leið verður þú að vanda hvað þú segir, ef þú getur ekki staðið við það sem þú segir, segðu þá ekkert.

Almenn kynning á jákvæðum aga.

Önnur umferð innleiðingarferlis 30. janúar 2012 - 19. apríl 2013.

Fyrsta umferð innleiðingarferlis 10. janúar 2011 - 27. janúar 2012.

Heildarmynd jákvæðs aga. Þættir sem þurfa að vera til staðar í skólum sem vinna eftir jákvæðum aga.

Átta leiðir til innleiðingar á jákvæðum aga. Þættir sem kennarar þurfa að hafa í huga í starfi með börnunum.

Verkfæri Jákvæðs aga. Verkfæri sem  hjálpa okkur að forðast refsingar, ofverndun, stjórnun, valdabaráttu, ósjálfstæði, hefnd.

Barna- og fjölskyldufundir. Á barnafundum hittast börn reglulega til að hjálpa hvert öðru, þau læra samskipti, leita lausna og efla/þjálfa dómgreind sína og þekkingu. Mikilvægasti tilgangur barnafunda er að gefa börnum þá tilfinningu að þau finni að þau tilheyri hópi. Þessi þörf barna til að tilheyra hópi hefur lengstu áhrifin á hegðun þeirra þegar til lengri tíma er litið.

Jákvæð einvera. Jákvæð einvera getur verið mjög áhrifamikil leið til að hjálpa börnum og fullorðnum að ná ró sinni svo hægt sé að leysa mál í sameiningu.

Opnar spurningar. Aðferð sem veitir börnum tækifæri til að tjá sig og orða hugmyndir sínar og hugsanir.

Langtíma- eða skammtíma markmið. Mikilvægt er að uppalendur hafi í huga að ákveðnar uppeldisaðferðir hafa áhrif til lengri tíma á meðan aðrar aðferðir hafa áhrif strax en þau áhrif vara í mun styttri tíma. Aðferðir jákvæðs aga hafa áhrif til lengri tíma litið.

Lof og hvatning. Hvatning hjálpar börnum að þroska hugrekki; hugrekki til að læra og vaxa,  hugrekki til að læra af mistökum án sektar eða skammar,  hugrekki til að þroska félagshæfni og lífsleikni. Hvatning þarf að vera nákvæm en ekki óljós („Þú byggðir stóran turn, sjáðu hvað þú þurftir að teygja þig mikið til að geta sett efstu kubbana í turninn því hann er hærri en þú“ . Þetta hvetur barn mun meira en að segja „Þetta er aldeilis fínt hjá þér“).

--------------------------------------------------------
Heimildir:

Nelsen, Jane, Cheryl Erwin and Roslyn Ann Duffy. POSITIVE DISCIPLINE FOR PRESCHOOLERS. 2007. THREE RIVERS PRESS. New York.