|
3. febrúar:
Þessa viku 1. - 5. febrúar er opin vika og eru foreldrar því sérstaklega
hvattir til að koma og taka þátt í starfinu. Margir hafa þegar komið tekið þátt
í t.d. ævintýraferðum, hópastarfi og verið með danskennslu. við þökkum kærlega
fyrir allar heimsóknirnar. Á morgun ætla kennarar að bregða á leik í salnum og
setja upp Karíus og Baktus fyrir börnin.☺
29. janúar:
Fréttabréf og dagatöl deilda fyrir febrúar eru komin inn á síðuna undir
Fréttabréf og dagatöl hér til vinstri. Endilega kynnið ykkur fréttapakka
mánaðarins☺
22. janúar:
Í dag héldum við þorrablót hér á
Naustatjörn. Allir mættu með þorrahöfuðföt í salinn þar sem við borðuðum öll
saman þorramat. Boðið var uppá Hárkar, sviðasultu, bæði súra og ekki, flatkökur,
rúgbrauð, rófustöppu, kartöflumús, hangikjöt, súra punga og harðfisk. Myndir af
þorrablótinu er að finna hér til vinstri undir tenglinum Myndir í leik og
starfi.
11. janúar:
Þann 6.janúar kvöddum við jólin. Myndir frá því er að finna undir tengli
hér til vinstri sem heitir Myndir í leik og starfi. Þar inn munum við setja inn
myndir af sameiginlegum uppákomum í skólanum.
28. desember:
Á fundi skólanefndar þann 19. nóvember voru teknar ákvarðanir sem snúa að
sumarlokun leikskóla, leikskólarnir
loka í fjórar vikur og mun Naustatjörn loka vikurnar 12. júlí til 9. ágúst.
Einnig var tekin ákvörðun um hækkun á
gjaldskrá leikskóla. Tenglar eru á auglýsingarnar hér fyrir ofan.
Við óskum öllum gleðilegra jóla og þökkum kærlega fyrir samstarf og samveru
á árinu sem er að líða.
17. desember:
Við erum að taka á móti tveimur nýjum leiðbeinendum í hópinn okkar í
þessari viku. Þær Margrét Sigurlaug Jónsdóttir sem vinnur frá 08:15-16:15 og
Ingibjörg Hulda Jónsdóttir sem vinnur frá 08:15-16:00 eru að hefja störf hjá
okkur. Þær verða í afleysingum inn á deildum. Við bjóðum þær hjartanlega
velkomnar í hópinn.
Stella Bryndís er komin í veikindaleyfi þar til fæðingarorlof hennar hefst í
febrúar og Gulla verður einnig í veikindaleyfi síðustu vikurnar sínar hér á
Naustatjörn. Ýr Árnadóttir og Friðjón Frímann Helgason eru komin í þeirra
stað inn á Huldustein.
5. nóvember:
Á morgun, föstudaginn 6. nóvember, lokar Naustatjörn á hádegi vegna
kennarafundar. Vinsamlega sækið börnin fyrir kl. 12:15. Góða helgi ☺
14. september:
Samkvæmt 15. gr. almannavarnalaga nr. 82/2008 ber
ráðuneytum, sveitarfélögum og stofnunum á þeirra vegum að gera viðbragðsáætlanir
til að takast á við afleiðingar hvers konar neyðarástands sem kann að skapast.
Vegna heimsfaraldurs inflúensu (H1N1) sem nú gengur yfir hefur
menntamálaráðuneytið falið öllum skólastofnunum að gera sér viðbragðsáætlun
fyrir 1. september 2009. Áætlunin gildir jafnframt fyrir hættuástand sem kann að
skapast af öðrum ástæðum. Foreldrum skal einnig bent á að kynna sér heimasíðu
sóttvarnarlæknis Landlæknisembættisins,
http://influensa.is en þar má m.a. finna bréf til foreldra vegna
inflúensunnar og ýmsar leiðir til þess að forðast flensuna. Heimasíða
Almannavarna veitir einnig góðar
upplýsingar.
Naustatjörn hefur nú gert
viðbragðsáætlun sína aðgengilega
á netinu.
Ofangreinda tengla má einnig finna á tenglasíðunni
okkar.
8. september:
Við höldum áfram að höfða til hjálpsemi ykkar og langar núna til að óska eftir
gefins pappír. Við getum notað allskyns pappír, eins og afklippur, rúllur,
litlar og stórar arkir, hvítar, litaðar, þykkar, þunnar... hvað sem er ☺
Við notum líka gjarnan skrifstofupappír sem búið er að prenta á eða ljósrita
öðrum megin.
Þeir sem eru aflögufærir mega gjarnan koma með pappírinn hingað í Naustatjörn,
við þiggjum allt með þökkum.
--------------------------------------------------------------- |
