1. febrúar:
Námskeið um jákvæðan aga. Ákveðið hefur verið að bjóða upp á foreldranámskeið um „Jákvæðan aga“. Námskeiðið verður opið foreldrum barna í Naustaskóla, Naustatjörn, Glerárskóla og Hrafnagilsskóla og mun kosta 1.500 kr. pr. þátttakanda. Námskeiðið verður haldið í Naustaskóla og inniheldur þrjú síðdegi kl. 17-19, þ.e. miðvikudaginn 29. febrúar, þriðjudaginn 6. mars og þriðjudaginn 13. mars. (Þetta er að hluta til upprifjun og endurtekning á námskeiði sem haldið var síðastliðinn vetur, kynning á stefnunni, ýmis gagnleg ráð fyrir uppalendur og tækifæri til að skiptast á ráðum varðandi uppeldi barnanna okkar.  Síðan er ætlunin að bjóða upp á ítarlegra 7 vikna námskeið næsta haust.)   Áhugasamir um þriggja kvölda námskeið framangreinda daga eru beðnir um að skrá sig með því að smella á vefslóðina hér fyrir neðan og fylla út reitina sem þá birtast. Haft verður samband við þátttakendur með tölvupósti þegar nær dregur, áhugasamir vinsamlegast skrái sig fyrir 10. febrúar.  http://www.surveymonkey.com/s/LLPQMWN

Fréttabréf skólans og dagatöl fyrir febrúar frá öllum deildum eru komin inn á síðuna fréttabréf og dagatöl.

12. janúar:
Tilkynning frá Skóladeild til  foreldra í leikskólum á Akureyri.
Á hverju ári berast skóladeild umsóknir þar sem foreldrar óska eftir að flytja börn sín milli leikskóla innan bæjarins. Að því tilefni vill skóladeild benda á eftirfarandi.
Aðalinnritun í leikskóla fer fram í apríl / maí ár hvert. Því er mikilvægt að allar beiðnir um flutning hafi borist skóladeild Akureyrar fyrir 30. mars ár hvert. Ef umsóknir berast eftir þann tíma er ekki hægt að tryggja að flutningur geti átt sér stað fyrir væntanlegt skólaár.

11. janúar:
Sumarlokun 2012 - 2014.
Skólanefnd hefur tekið ákvörðun um sumarlokun leikskóla 2012-2014. Naustatjörn lokar eftirfarandi vikur næstu þrjú árin.
Sjá hér
2012- 25. júní - 20. júlí
2013 - 8. júlí - 2. ágúst
2014 - 23. júní - 18. júlí
Samþykkt í Skólanefnd 9. janúar 2012

4. janúar:
Ný gjaldskrá leikskóla er komin á síðuna undir Ákvarðanir Skólanefndar hér til hægri.

Við óskum ykkur öllum gleðilegs árs og þökkum ánægjulegt samstarf og samskipti á árinu sem er að líða.



16. desember:
Í dag var jólaballið okkar. Kjötkrókur og Hurðaskellir kíktu á okkur og dönsuðu með okkur í kringum jólatréð. Þeir kíktu einnig inn á deildir. Á deildarsíðunum koma jólamyndir af deginum og hér til hliðar undir tenglinum. Myndir í leik og starfi er hægt að sjá myndir frá ballinu sjálfu.

7.desember:
Í dag er jólasveinahúfudagur. Þá er kaffihúsastemning í sal með kakó, ristuðu brauði og smákökum. Allir með jólasveinahúfur. Myndir er að finna undir tenglinum myndir í leik og starfi hér til vinstri.

6. desember:
Loks er matseðill mánaðarins kominn inn. Hann er að finna undir tenglinum fréttabréf og dagatöl hér til vinstri.

Okkur langar að minna á jólaverkstæðið okkar sem verður á morgun 2. desember á milli kl. 09:00-10:30 og 14:00-16:30. Verið velkomin.

16. nóvember:
Myndir frá sýningunni Pönnukakan hennar Grýlu má sjá hér.

11. október:
Ágætu foreldrar. Foreldrahópur Naustatjarnar var að fá viðurkenningu frá Umferðastofu vegna góðs árangurs í umferðaöryggi. En öll börn á leið í skólann sinn í maí s.l. voru í réttum öryggisbúnaði í bílum. Nánar er hægt að lesa um könnunina sem gerð var á slóðinni http://us.is/Apps/WebObjects/US.woa/swdocument/1004823/%C3%96ryggi+barna+%C3%AD+b%C3%ADl+2011.pdf

6. október:
Upplýsingar um jákvæðan aga eru komnar á heimasíðuna okkar. Endilega smellið á slóðina ef þið viljið kynna ykkur agastefnu skólans.

23. september:
Í morgun var opið á milli deilda. Búðargil, Huldusteinn og Fífilbrekka drukku síðdegishressingu úti, dönsuðu líka og höfðu það gaman í góða haustveðrinu. Myndir af þessu eru hér til hliðar undir tenglinum myndir í leik og starfi. Góða helgi :)

8. september:
Í gær borðuðum við kartöflur úr garðinum okkar með góða fiskiréttinum. Hér eru nokkrar myndir frá kartöflu-upptekt.

2. september:
Skóladagatal 2011 - 2012 komið á síðuna. ☺

18. ágúst:
Í dag á Naustatjörn átta ára afmæli. Í tilefni þess hittumst við í bollanum, sungum nokkur lög og fengum okkur köku og kalda mjólk mmmmmm. Hér eru nokkrar myndir í tilefni dagsins.

2. ágúst:
Nú erum við mætt aftur til starfa, kát og hress eftir 4 vikna sumarleyfi.

--------------------------------------------------------------